الاثنين، 5 سبتمبر، 2016

عاجل وخطير- تحذير هام من عبوات لبن الاطفال الخاصة بالقوات المسلحة المصرية

عاجل وخطير- تحذير هام من عبوات لبن الاطفال الخاصة بالقوات المسلحة المصرية


نقلا عن /منال علي وهذا الكلام على مسئوليتها .انا عارفه ان الكلام ده ممكن يعملي مشاكل كتير جداً من كام يوم كنت في مصر اول ما ظهرت مشكلة اللبن وان الجيش نزل ٣٠ مليون علبهانا بصراحه في العاده بعيده عن السياسه من زمان بس للحظه فكرت ازاي حد اي كانت قدرته يقدر يجيب ٣٠ مليون علبه لبن خاصه اني كنت شغاله في شركة استيراد في دوله عربيه وعارفه ان الكونتينر الي ببجي من بره بياخد ١٠ الف علبه يعني بحسبه بسيطه كده دول عاوزين ٣٠٠ كونتنر فمستحيل حد يقدر يجيبهم في يومين ولا شهر حتي ويارتني سكت انما اتصلت بواحده صاحبتي دكتوره صيدلانية وسألتها عندك لبن من بتاع الجيش قالتلي اه طلبت منها علبه استغربت لاني مش عندي بيبي وقالت لحد قريبك قلتلها عاوزاها جابتلي العلبه وخدتها معايا وانا مسافره وكل الي شاغلني اعرف ازاي حد يوفر الكميه دي ومش مقتنعه أخدتها وكلمت دكتوره صحبتي اردنيه شغاله في معامل الهيئه الملكيه وطلبت منها انها تحلل اللبن ده ومقلتلهاش علي اي حاجه .
تاني يوم اللي هو النهارده لاقتها بتكلمني بدري وبتقولي اللبن ده جبتيه منين قلتلها ماله قالتلي انتي أديتيه لحد قلتلها فيه ايه . قالتلي اوعي تديه لأي حد قلتلها ليه فهميني . قالتلي اللبن ده متخزن من فتره طويله وتاريخ الانتاج الي عليه اكيد مزور . اللبن ده متخزن في مكان غلط وبطرق غلط ومدة صلاحيته منتهيه وهيعمل إسهال ونزلات غرببه لأي حد ياخده اصرّت انها تعرف جبته منين قلتلها من مصر وفهمتها . والله قعدت تبكي وتقول حسبني الله هيبصوا علي الأجيال الجايه كمان؟
يا جماعه ده الي حصل . ممكن اي حد ياخد عينه ويتأكد انا برأت ذمتي وربنا يسترها ويحفظ اولادكم جميعاً.




0 التعليقات

إرسال تعليق